Minam lai ding ABC maw? I ZoLai?

ABC Lai zatman in phattuamna.
ABC laimal JH cope honghilh pen kizangthei liamliam a, kihona, kizopna manlangsak hi.  Tanliciang hong tungsak hi. Laisiangtho kisim thei ding hongtun hi. Thu tuamtuam gelhtheihna dingciang hongtun, Online kiho theih liamliam naciang ah hongkoihhi.
ABC Lai zatman in suptuamna.    
ABC lai zatman in suptuamna bangteng minamsungah omhiam cih enleuleu dihni. Minamdangte in alai uh tawh minam khuikik thei hi. Eite in ABC zatteh Tedim Laisiangtho, Siyin Laisiangtho, Zo Laisiangtho, Falam, Hakha, Mara, laisiangtho amaumuntek ah agelh uh teh Kawllai, Mikanglai hongbanglo in minam hongnen suah giengei hi.

             Kigawmding kampau namkhatzat ding zumsungah kua pau tawh kipau ding cih hamsatna om hi. Tua in minamlai iphuah lohnam in eitek zat kawmtawm lai izatman ahihi. Hakha te pauin  Zumsung apau omleh kisangkithei kimlo a, Tedim Zopau in kipau leh akisangkithei kimngeilo ahih man Lainei taktak Kawlgam ah Kawlai sin manin Kawlpau in ipau hi. Zomi namni bawl khopbekzong kawmtawm lai aneiteng in eimaupian pihpau kizang khin theilo a, Kawlpau siamtakeileh kizang veivai ahihi.
             Hih ABC laipen phelhmit pah ding hilo a, akisam nakhop ciangbek zat lingleng theihna ding Lai bek ahihi. Tu lian in ABC kizang kei mawk leh Biaknasia te cih mawh mahmah ding ahihi. Kawlai Mikangalai theilo telak ah Kawlai, Mikang asim bualbual ding ahihi. Banghiamcih cihleh kumpi khasumne in nungtate kihilohi.
              
Banghang Eisung piang Lai Eimipil te’n nial?
                   Eiminam sungpiang Lai pen  Ei mipil te’n anial cih pen khialo hi. Thukhat pan in  asungpan piang atate deihlo tawh kibang ahihi. Namdang mipil te’n niallo, phatselo, Athukan ciangbek ahihi.  Pa neilo, Nuneilo tawh kibang tate kisuak hi. Tuaman in tate hongkhan hunciang in  Tadeihlo NulePa tawhkibang te, tate te’n nadeih loh ding theikhol/telkhol ahih man in anial kihi gige hi.
                  ABC zanglo in I Zolai minamlai in zang vat mawk leng tulai laithei mipil ineih teng zong Tanlang mah pan atugual tetawh laisin kipan kikding ahih manin amaiuh zum mahmah ding ahihi. ABC laisiangtho thu butawi in anungta Zogamsung ah mi 4000 val in nasep neilo ding ahihi. Tua man in nuntakna aneikhin sate khualna in ABC mahzat phot huai mahmah ahihi. Banghiam cih leh eisungpan piang mipilkitawm a, minam ading innsung innpua vanzat namtuamtuam abawlkhia kitam nailo ahih man in kikhual masak mah ahoih penpen ahihi.
I Zolai  minam lai in zangleng suptuamna.                  
                     Tangtawng pan in ikilawhna minam min Zomi cih akisang kim hita hi. Zominam sungpan in Pau Cin Hau in Laibawltheihna Pasian in piahi cih kithei khinzo hi.  Tu leh tu in Computer khettheih ciangtawh minam lai in zang ni ci leng Zomi sungah Zolaitheilo 99.99% hizen ding ahih man in ikipilsak nopna teng beilian ding ahihi.
                       Bangbang hitaleh ci- in gampua om Zomite’n Mikang laizom ding a, atukhang ah eipau mansuah ding ahihi. Kawlgam sung omteng in Kawllai sinzomsuak ding a, Kawlmi suak ding uh ahihi. Banghanghiam cih leh Amaute omnamun dungzui a, minamlian lai neite in valhtum ahihi.
I Zolai  Zominam lai in zangleng aphattuamna.
                      Eisungpiang lai Ei minam in tu leh tu minamlai in phom photphot leng khangthak hun ah minam kinai pih ivengte eipau eilai in asinhun ding lampi sialsak leng damdam I Zolai in kampau pan in akikeksa minam khui kik siam simkhiankhian ding a, khangsawnsawn ah Laisiangtho bukhat tungtawn a, kampau khat bek tawh minam tampi te in eipau in hongpau in Pasian thu honggen ding ahihi.
                 Natheih pak ding in Kawllai tawh kigelh Laisiangtho laimalkibang minam 135 in banghang in zang kim thei ahihiam? Kawllai simna pan laipau awsuah siamsakhi. Zolai simna pan in Zolai awsuah siamna ding in I Zolai kicing mahmah ahihi. ABC lai gelhtawh awsuah khenzia siamzia ding eisung naleng ibuai khop hi.
                      I Zolai in laimal kicing hi. Lai mal gelhzia awsuah tawh kibuai loding ahihi. Gentehna in
1.Van leh Lei: Vanpua, Vantung, Ciangkhut van, Leitung, Sumbuk ah Vanlei ,Siallei , Mansuang lei..( Van Van Van…. Lei ..Lei ..lei, Lei..lei
2. Zomi leh Lai: Zomi, Zoumi, Zoomi, Laimi, Laigelh, kilailai, cihte kihal ding kinaidingtawh kibuai zelzul lo dingahihi. Hibang laite eipau theilo khat simsak in natate laihilh sak dih in. Koibang in ahilh zen hiam?
             Eisung panpiang mipilte in vannam tuamtuam, Zatui zahaa dong in bawl khiat theihna akineih ciang in azatzia ding I Zolai in kigelh ding a, tua mun pan in leitung mun khempeuh ah hih lai in kualai hiam kici zenzen leh Zomi te Lai hi cih kithei ding ahihi. Tua pan in Zomi te kumpi minam lian khin Lainei te tawh akitangkim kihita ahihi.
              Tua banghun ding ciang in ABC Lai zangveve Laimi, Mara,Mizo,Khumi cih  tesang in leitungah kimadawk zaw ding a, amau te in eipau azuih hun tungding ahihi. Hizo kei in teh na cihleh namneu lungsim pua nahihi. Banghiam cih leh Pupa khanga, Kawlpau Mikang pau ,Kawllai, Mikang lai kitheilo hi. Zosuan te in Kawllai, Mikanglai siam mahmah in amautetawh kibang ihiam? Ngaihsun kik leng Mau te in Mausungpan piang lai puahin eite maupau in pau asin ding in hongkoih ahihi. Tu a, ABC zat zalai tawh minampi kisuak ngeilo ding musa ahihi.
*** Hih thu konggelh ciang in thuthuk thusau ngaihsun lo tu leh tu aa, neek tawmzong’  Keimah kha leh Kaminam te’n  hongnuihsan masa ding katheikhol hi.***

Hau Thang...