Google te'n US$12.5b tawh Moto.....

 Internet Search Engine pupi akiciliang Google Company te'n Motorola Mobility pen US Dollar $12.5 Billion tawh aleilam Monday ni-in tangko khia uh ahih manin Mobile Phone Industry te'n lamdang savak mahmah uhhi. Motorola pen US Smartphone leh Tablet Computer Maker minthangkhat hi a, Google te'n hih aleikhitciang amau Adroid Platform pen nakpuahsawm mahmah cih AFP pan kiza hi.

Google tezong Android Platform lamah ong kilimpat mahmahding a, Apple Company te bawlkhiat ahi iPhone, iPad cihte ongdemto khading uhhi. Google te'n Motorola Mobility leileh Android Platform azang ahi South Korea te' Samsung, Taiwan te' HTC cih Handset Makers tezong kikhel kilamdanna omkhading ci'n Technology Analyst khatin genkhia hi.

Hih Company golpi nihte thukimna Agreement abawlna ah Motorola Mobility pen Android Licensee mah hisuakding a, ahih hangin nasemmi Employee 19,000 tawh Google in makaihin nasemding hi. Smartphones tuamtuam banah Motorola Mobility te'n TV Set-top Boxes khawngzong abawlkhia company khat ahih manin, Google te'n aleikhitciang Google TV puahphatna khatzong hikhatheiding cihi. Google TV pen Traditional TV Programming panin Online tawh gawmtuah in aki enthei Smart TV ahih keileh Connected TV Program khat ahihi.

Motorola te'n Android-powered Tablet Computer zangin Motorola Xoom cihzong neiuh ahih manin, Google te'n Motorola Mobility leimawk ahih manin Tablet Market zong kikhelna lianpi ongpiangtheiding cih Gartner analyst Michael Gartenberg in genkhia hi. Google te'n iPad tawh kidem nadingin mitung Third Parties tungah kingak kulnawnlo hi. Google te'n thakhatthu in Phone pan Tablet, tuapan Google Television dong avekin akizomtuah Integrated theidingin bawl dimdiamkhin uhhi ci'n Michael Gartenberg in genbeh hi.

Google Chief Executive Larry Page inzong Google in Motorola Mobility aleina hangin Android Ecosystem kilamdanna lianpi ongpiangding a, User te adingin hamphatna tampi aomban ah Consumers, Partners, Developers te adinginzong phattuamna tampi omding ci'n genkhia hi. ZomiDaily